Burime pranë klubit katalanas i kanë thënë ESPN se Barça beson se fakti që Griezmann luajti mbi 45 minuta në 30 nga 37 ndeshjet që ai ishte në dispozicion për sezonin e kaluar do të thotë që Atletico tani është i detyruar ta nënshkruajë me sulmuesin për 40 milionë euro.

Atletico, ndërkohë, pretendon se Griezmann duhet të luajë mbi 45 minuta në 50 ndeshje. Prandaj, Griezmann është përdorur vetëm si zëvendësues në pjesën e dytë të ndeshjeve të këtij sezoni, duke luajtur në minutën e 62, 62, 64, 63 dhe 61 të pesë ndeshjet.

Burimet thonë se ekipi ligjor i Barçës ka rishikuar kontratën dhe janë të bindur se kanë të drejtë, por interpretimi i klauzolës nga Atletico ndryshon.

Një zëdhënës i Atletico tha për ESPN se klubi nuk ka marrë asnjë komunikim zyrtar nga Barcelona se ata mund të ndjekin veprime ligjore dhe as nuk janë njoftuar nga ndonjë palë e tretë.

“Është kjo që është”, u tha Griezmann gazetarëve pasi shënoi golin e fitores në ndeshjen e Atletico-s në Ligën e Kampionëve kundër Porto të mërkurën.

“Nuk është në duart e mia. Unë dua të luaj më shumë, por do të jap gjithçka në minutat që më jepen. Jam i lumtur që jam këtu, e vetmja gjë që dua është të jap gjithçka për këtë klub, për Cholon dhe tifozët”.