Pablo Gavi është shndërruar në njërin nga lojtarët më të rëndësishëm të Barcelonës, shkruan Gazeta10.

Mirëpo, Gavi është në vitin e fundit të kontratës me ekipin katalan dhe ende nuk është arritur asnjë marrëveshje zyrtare për vazhdimin e kontratës.

Por kryesia e klubit katalan janë të bindur se Gavi në muajt në vazhdim do të nënshkruajë kontratë të re afagjate me nënkampionin e Spanjës.

Gavi ka impresionuar me paraqitjet e tij në stinorin e kaluar, e poashtu edhe në këtë edicion, ku u shpall edhe lojtari I ndeshjes në përballjen kundër Sevillës gjatë këtij vikendi.

‘Blaugranët’ në afatin kalimtar veror kishin refuzuar një ofertë për Gavin nga gjiganti gjerman, Bayern Munich.

18-vjeçari ka zhvilluar 51 ndeshje deri më tani me Barcelona në të gjitha garat, prej të cilave ka shënuar dy gola dhe ka kontribuar me gjashtë asistime.

Vlera e Gavit në treg është rreth 60 milionë euro.

Falë paraqitjeve të mira me Barcelonën, mesfushori është ftuar nga Kombëtarja A e Spanjës, ku është bërë futbollisti më i ri në histori që luan për ekipin e parë të ‘La Furia Rojas’. /Gazeta10/