Kryeredaktori i Gazetës 10, Bashmir Xhemaj, ka prezantuar portalin më të ri në treg dhe për shërbimet që do t’i ofroj ai për lexuesit e gazetës.

Në ballinën e portalit që do të jetë Live do të mbulohen lajmet e ditës, ku në fokus kryesor do të jenë lajmet e prodhuara nga emisionet e Kanal10, duke përfshirë edhe dy emisionet më të shikuara “Prime Time” dhe “Politiko”.

Gazeta 10 do t’i ofroj lexuesëve të informohen me lajme nga fusha të ndryshme si dhe do të kenë mundësinë që ndjekin edhe produktet e televizionit dhe radios në protal.

“Pjesa qëndrore e Gazeta 10 do të jetë “Tema e Gazetës” ku do të një hulumtim i ekipit tonë, që ka rezultuar nga lajmet tona ku ne do ta zhvillojmë më tutje, kjo temë e ditës do të shfaqet për 24 orë”, tha Xhemaj për Kanal 10.

Kryeredaktori shtoi se rubrikë e rëndësishme e protalit do të jetë edhe rubrika “Duhet Lexuar” ku do të shfaqen lajmet kryesore, top storie nga fusha të ndryshme si dhe rubrika me opinione do ta ketë vend të veçantë në Gazetën10.