Presidenti ukrainas, Volodymyr Zelensky tha se homologu i tij amerikan, Joe Biden, duke iu referuar atij rastësisht si presidenti rus, Vladimir Putin, ishte një gabim që mund të harrohet duke pasur parasysh të gjithë mbështetjen që ShBA i ka dhënë Ukrainës.

Biden gabimisht iu referua Zelenskyt si Putin në një samit të NATO-s në Uashington të enjten përpara se të korrigjonte gabimin dy sekonda më vonë, shkruan Reuters.

“Është një gabim. Unë mendoj se Shtetet e Bashkuara dhanë shumë mbështetje për ukrainasit. Ne mund të harrojmë disa gabime, mendoj kështu”, u tha Zelensky gazetarëve të shtunën në aeroportin Shannon të Irlandës, ku po takonte kryeministrin irlandez, Simon Harris.