Deputeti i Lëvizjes Vetëvendosje, Arbër Rexha ka folur për bojkotimin e seancës së Kuvendit të Kosovës nga partia e tij, si dhe publikimin e bisedave me Dejona Mihalit dhe Nagip Krasniqit në “Politiko” me Kushtrim Sadikun.

Rexha ka thënë se Lëvizja Vetëvendosje merr pjesë në debate konstruktive dhe jo kur ka të bëjë me linçime.

“Ne nuk marrim pjesë në debate kur kemi të bëjmë me piskamë, situata, linçime”, tha Rexha i VV-së.

Ai ka thënë gjithashtu se komunikimi mes Dejona Mihalit dhe Nagip Krasniqit nuk përbën asnjë shkelje ligjore.

“Aty nuk ka konsumim të veprës penale. Dejona është në kuadër të përgjegjësisë, për të cilën është përzgjedh brenda LVV-së. Ata që e njohin Dejona Mihalin e dijnë profilin e saj”, tha Rexha. Gazeta10/