S’ka marrëveshje për reciprocitet mes Kosovës e Serbisë, kemi kohë deri më 1 shtator, ka deklaruar Josep Borell.

“Fatkeqësisht nuk kemi arritur marrëveshje, por kjo nuk është përfundimi, të dy liderët janë pajtuar që diskutimet do të rifillojnë në ditët në vijim, deri më 1 shtator. Nuk do të dorëzohem, nuk ka marrëveshje ditën e sotme, nuk do të dorëzohemi, do të vazhdojmë kërkimin për zgjidhje”, ka thënë Borrell.

Shefi i diplomacisë së Bashkimit Evropian, Josep Borrell pas takimit trepalësh me Kurtin e Vuçiqin ka bërë të ditur se takimet nuk kanë qenë të rregullta në kuadër të dialogut, por ishin takime për t’i menaxhuar krizat ndërmjet dy shteteve, raporton Gazeta10.

Pas konfliktit të Rusisë në Ukrainë nuk është momenti i duhur për të vazhduar me dsikutimet për tensionet Kosovë-Serbi, ka deklaruar Borell të enjten para gazetarëve në një konferencë për media.

“Çështjet aktuale janë më të rëndësishmet, pra janë më të rëndësishme në rendin e ditës. Kemi qenë dëshmitarë të këtyre tensioneve sa i përket targave dhe dokumenteve të hyrje daljeve për qytetarët mes Kosovës dhe Serbisë. BE nuk dëshiron të shoh ringjallje të tensioneve, dhe palët do të kenë përgjegjësi të plotë për cdo përshkallëzim në terren”, deklaroi Borell.

Ai nuk i ka quajtur takime të rregullta, diskutimet që u zhvilluan në Bruksel, ndërmjet Kurtit e Vuçiqit.

“Ky nuk është momenti për rritje të tensioneve. Është koha për të zgjidhur çështje apo probleme afatgjate, dhe u kam thënë të dy liderëve që ky ishte takim në një mënyrë për të menaxhuar kriza, s’është takim i rregullt”, tha tutje Borell. /Gazeta10