Drejtoresha e Arsimit, në Komunën e Prishtinës, Besiana Musmurati ka njoftuar se është finalizuar ndërtimi i një çerdheje të re në lagjen ‘’Dardania”.

Musmurati ka treguar se ky projekt është financuar nga BE-ja dhe se kishte filluar në vitin 2016.

“Lagjes Dardania më në fund po i shtohet një çerdhe e re  Më në fund, projekti i financuar nga BE për ndërtimin e çerdhes së re në lagjen Dardania po finalizohet. Punimet janë shumë afër përfundimit dhe ndërtimi që kishte filluar që nga viti 2016 po finalizohet. Çerdhja e re do të jetë moderne, me hapësira të këndshme për fëmijë dhe hapsira të mjaftueshme për lojë, aktivitete e mësim.”, ka shkruar ajo./Gazeta10