Gazeta10

Çerkini tregon rezerva për Andin Hotin: S’ka me mujt as gojën me çelë para Kurtit e Vuçiqit

Në një lidhje direkte nga Ohri në “Prime Time”, gazetari i Kanal10, Kushtrim Sadiku ka treguar se pjesë e delegacionit të Kosovës për takimin në Ohër, do të jetë edhe kryetari i delegacionit të Kosovës për bisedime për të zhdukurit, Andin Hoti, shkruan Gazeta10.

Lidhur me këtë informacion, reagoi kryetari i shoqatës “Zëri i Prindërve”, Bajram Çerkini i cili ishte i ftuar në “Prime Time” duke thënë se këtë informacion e morën nga mediat.

“Vetëm prej mediave e më së shumti sonte e kemi kuptu se kryetari i komisionit qeveritar apo i grupit dialogues do të jetë në Ohër, ne si familjarë nuk kemi qenë të informuar përveç mjeteve të informimit që po bëjnë pyetje dhe po kërkojnë përgjigje se a është e vërtet se atje do të flitet për personat e pagjetur.”, ka thënë Çerkini.

Tutje, Çerkini ka thënë se kryetari i delegacionit të Kosovës për bisedime për të zhdukurit, Andin Hoti nuk do të mund as ta çelë gojën para Vuçiqit e kryeministrit.

“Mirsolav Lajcak ka qenë në zyrë të unë dhe ka premtuar që do të ndahet çështja e personave të pagjetur në çështje humane. Tash e kanë përzi në politikë dhe e kanë qitë në pikën e gjashtë. Ku unë besoj se Andin Hoti nuk ka me mujt me qel at gojë para Vuçiqit as para kryeministrit. Nuk pres asnjë sen pozitiv për persona të pagjetur në Ohër, për shkak se e kanë përzi me politikë.”, ka thënë ai.

Tutje, Çerkinaj ka kritikuar Hotin se është futur në politikë dhe është duke ia dhënë krahun më shumë politikës se sa çështjes së personave të pagjetur.

“Kam kërkuar që të jemi të informuar ose pjesëtar vëzhgues në dialogun për persona për të pagjetur, assesi në politikë. A jena të zhgënjyem që se kem ditë që ka me shku ai me 18? Është kanë mirë që Andin Hoti sikurse i biri i Ukshin Hotit të na pyes edhe neve. Edhe pse e ka babën të pagjetur është futur në politikë dhe po më duket që më shumë po ja jep krahun politikës se sa neve familjarëve që nuk duam politikë, por gjëra konkrete për personat e pagjeturë.”, deklaroi ai./Gazeta10

NË FOKUS

418182730_743633051288017_6642594476175055703_n
E dhimbshme: Kjo është gruaja që vdiq pasi u plagos me armë në Prishtinë, ishte kalimtare rasti
900-0-policia-naten-ne-shkoder-vrasje-972x579-1
E dhimbshme: Ky është i riu që u vra sonte në Prishtinë
Adriana-Matoshi-2-668x375-1
Adriana Matoshi në iftar me ish bashkëshortin dhe të birin
LAJMI-I-FUNDIT
Këta janë dy vëllezërit e dyshuar për vrasjen e rëndë në Prishtinë, ende në arrat
konf
Kështu nisi konflikti mes “Cucit” dhe vëllezërve Berisha që përfundoi me dy viktima në Kolovicë
850x600_ilustrim-shiriti-i-ndalimit-policia-e-kosoves-foto-Ridvan-Slivova-3-780x439-11619711563
Policia jep detaje për vdekjen e Triumf Feratit
vrasje
Dy meshkuj gjenden të pajetë në Prishtinë, policia jep detajet e fundit  
Tri
Personi që u gjet i vdekur në Gurrakoc është vëllai i kryetarit të Istogut