Nënkryetarja e Partisë Demokratike të Kosovës, Vlora Çitaku, ka thënë se Serbia e di se çka sjellë një konflikt i hapur me NATO, raporton Gazeta10.

Ish-diplomatja e Kosovës, Vlora Çitaku, ka thënë se nuk duhet ndjellur frikë dhe panik meqë NATO është në Kosovë dhe ajo është garantuesja e sovranitetit të shtetit.

Tutje, Çitaku ka thënë se Serbisë sot më shumë i konvenon të flitet për status-qou si dhe për stikersa dhe barrikada.

Këto komente Çitaku i ka bërë si përgjigje ndaj deklaratës se Kryeministrit të Kosovës, Albin Kurtit, për mundësinë e një luftë të re mes Kosovës dhe Serbisë.

Këtu keni postimin e plotë:

“Nuk ka me pasë luftë në Kosovë. Mos ndjellni frikë e panikë. NATO është garantues i sovranitetit të Kosovës. Serbia e di shumë mirë çka sjellë një konflikt i hapur me NATO. E ka provu.

Ka pasë luftë në Kosovë para 23 vitesh. Disa prej nesh kemi qenë të rritur dhe kemi pasë mundësinë me luftu atëherë.

Nderkohë, Serbisë sot më së shumti i konvenon status quo, dhe mundësisht me folë për stikersa e barikada.

Lufta konvencionale ka përfunduar. Tash betejat janë të një natyre tjetër”, ka shkruar Çitaku në llogarinë e saj në Facebook. / Gazeta10