Departamenti Amerikan i Shtetit u ka bërë një paralajmërim të gjerë qytetarëve amerikanë në Lindjen e Mesme, duke u kërkuar që ta “shqyrtojnë largimin ose të jenë të përgatitur të largohen në rast se situata përshkallëzohet”.

Paralajmërimi i ri për udhëtimet vjen në një kohë kur Washingtoni po shqyrton mundësinë e sulmeve të reja ndaj Iranit që mund të nisin që këtë fundjavë, sipas zyrtarëve amerikanë, ndërsa Teherani kërcënon me sulme të mëtejshme ndaj vendeve që strehojnë baza ushtarake amerikane, raporton CNN.

Departamenti i Shtetit gjithashtu përsëriti paralajmërimin se personat që ndodhen në rajon duhet “të tregojnë kujdes dhe vigjilencë të shtuar, si dhe të jenë të përgatitur për anulime fluturimesh, mbyllje të përkohshme të hapësirës ajrore dhe ndërprerje të mundshme të udhëtimeve”.

Qytetarët amerikanë që planifikojnë të udhëtojnë drejt Lindjes së Mesme duhet ta rishqyrtojnë seriozisht vendimin e tyre, thuhet në njoftim.