Ish-Kryeministri i Kosovës, Avdullah Hoti, ka kritkuar deklaratat e fundit të kryeministrit Albin Kurti, duke thënë se vendi ka nevojë për urtësi dhe normalitet, raporton Gazeta10.

Hoti ka thënë se nga Kosova duhet të dërgohen mesazhe që nxisin pozitivitet për të ardhmen euro-atlantike të vendit.

Tutje, Hoti ka thënë se çështje të hapura me fqinjin verior duhet të zgjidhen përmes dialogut sepse nuk ka opsion tjetër.

Ai ka ftuar Kurtin për koordinim ndërkombëtar.

Këtu keni statusin e plotë:

“Kosova ka nevojë për urtësi dhe normalitet në qeverisje. Nga Kosova duhet të dërgohen mesazhe që nxisin pozitivitet për të ardhmen tonë euro-atlantike, për jetë më të mirë e për sigurinë e investimeve.

Ne duhet që të sqarojmë para të gjithëve se ende kemi çështje të hapura me fqinjin verior, të cilat çështje do t’i zgjidhim me dialog, në koordinim me partnerët tanë ndërkombëtar, sepse opcion tjetër nuk ka dhe nuk do të lejohet të ketë”, ka shkruar Hoti në llogarinë e tij në Facebook. / Gazeta10