Ish-koordinatori i partisë Guxo në Ferizaj, Valton Dërguti e ka quajtur projekt të dështuar partinë Guxo, pasi sipas tij me emërimin e Vjosa Osmanit, presidente të vendit ka përfunduar ideja e konceptitet të parapraë.

Dërguti në Info10 tha se partia Guxo, ishte projekt sa për një palë zgjedhje nacionale, pasi i njëjti nuk ka njerëz në strukturat e saj, shkruan Gazeta10. 

“Ky projekt ka dështuar. Me mosmbetjen e liderës së Vjosa Osmanit, nuk ka qenë askush që ta zëvendësoj atë. Në momentin që Osmani është bërë presidenti, ky projekt ka dështuar. Ky ishte një projekt sa për një palë zgjedhje, ato ishin zgjdhjet nacionale. Me kaq ka përfunduar ideja e konceptit që është paraparë. Nuk kanë njerëz, nuk kanë struktura, e nuk kanë të ardhme”, tha Dërguti në Info10. /Gazeta10