Ministri i Punëve të Brendshme të Kosovës, Xhelal Sveçla, ka njoftuar se në Kosovë kanë ardhur edhe 156 afganë, raporton Gazeta10.

Sveçla ka thënë se ky proces po zhvillohet në bashkëpunim të ngushtë me SHBA-në dhe NATO-në.

Tutje, Sveçla ka thënë se në koordinim me të gjithë akterët institucional dhe shtetet aleate po angazhohen që t’u ofrojnë qytetarëve afganë mirëqenie e siguri.

Këtu keni statusin e plotë:

“Sot mirëpritëm në Republikën e Kosovës 146 qytetarë afganë dhe procedurat e pritjes së tyre tashmë kanë përfunduar dhe janë akomoduar sipas marrëveshjeve paraprake. Ky proces po zhvillohet jashtëzakonisht mirë falë bashkëpunimit të ngushtë me aleatët tanë, ShBA dhe NATO.

Në koordinim me të gjithë akterët e brendshëm institucional dhe shtetet aleate të Republikës sonë, jemi të angazhuar maksimalisht që të gjithë qytetarëve që po ballafaqohen padrejtësisht me konflikte e luftë, të ju mundësojmë strehim, mirëqenie e siguri për aq kohë sa janë në shtetin tone”, ka shkruar Sveçla në llogarinë e tij në Facebook. / Gazeta10