Gazeta10

Fundjavë me shi dhe rënie të temperaturave në Kosovë

“Prishtina Weather” ka njoftuar se këtë fundjavë në Kosovë do të mbaj mot me shi dhe rënie të temperaturave, raporton Gazeta10.

Indeksi i cilësisë së ajrit do të jetë në vlera të pranueshme.

Temperaturat minimale do të lëvizin nga 14C deri në 17C, ndërsa ato maksimalet në fundjavë nga 20C deri në 22C.

“Prishtina Weather” ka dhënë informacione edhe për erërat dhe për shtypjen atmosferike.

Këtu keni njoftimin e plotë:

“Fundjavë me shi dhe rënie të temperaturave. Javën e ardhshme sërish kthehet i nxehti me mot më stabil.

12.08.2022 – Pas destabilizimit të motit që parashihet gjatë mbrëmjes së sontme, përgjatë fundjavës do të ketë të reshura shiu, ditën e shtunë në formë rrebeshesh me bubullima, derisa ditën e diel reshjet do të jenë të kohëpaskohshme, aty këtu të shoqëruara me bubullima. Temperaturat pësojnë një rënie të ndjeshme edhe nën vlera mesatare.

Nga dita e hënë pritet mot relativisht më stabil, me më shumë intervale me diell. Mundësi për rrebeshe të shkurta shiu mbeten më shumë përreth viseve malore. Gjithashtu edhe në aspektin termik do të jetë më nxehtë nga dita e martë.

Indeksi i cilësisë së ajrit kryesisht do të jetë në vlera të pranueshme dhe të mira. Nën kushte të motit me më shumë vransira dhe më të freskët, edhe koncentrimet e ozonit sipërfaqësor mund të jenë më shumë në vlera të pranueshme.

Niveli i rrezikut nga rrezet ultravjollce, nën kushte të motit me vransira dhe shi, do të jetë mesatar. Në këto raste vlejnë rekomandime që të kërkojmë më shumë hije orëve të mesditës, kur ka intervale me diell. Vetëm në raste kur rreziku është i lartë me më shumë intervale me diell, sikur se në fillim të javës së ardhshme, atëherë duhet kufizuar aktivitetet në ambiente të jashtme orëve të mesditës.

13.08 – Kryesisht me vransira dhe më freskët. Që nga mëngjesi priten zhvillime të rrebesheve me bubullima. Pasdite vende-vende lokalisht mund të ketë edhe stuhi me shi e erë.

14.08 – Vransira dhe intervale me diell. Kohëpaskohe priten mundësi për reshje të dobëta shiu.

15.08 – Shumë ngrohtë e kryesisht me diell. Pasdite përreth viseve malore mundësi për ndonjë rrebeshe të shkurtë shiu.

16.08 – Nxehtë, kryesisht me diell. Pasdite mundësi për ndonjë rrebesh shiu me bubullima.

17.08 – Pjesërisht vranët e më ngrohtë. Pasdite mundësi për rrebeshe e bubullima.

Temperaturat minimale luhaten ndërmjet 14C e 17C, e maksimalet në fundjavë zbresin edhe në 20C e 22C, ndërsa nga fillimi javës së ardhshme shënojnë rritje në 27C, të mërkurën edhe në 33C.

Erërat frynë kryesisht nga veriu e verilindja, të lehta dhe mesatare 2-8m/s, e javën e ardhshme nga veriperëndimi.

Shtypja atmosferike pëson rënie përreth vlerave normale”, thuhet në njoftimin e tyre në Facebook. / Gazeta10

NË FOKUS

polici serb
Bashkëshortja e policit të plagosur në Lloznicë, zbulon detaje të reja
plaku-600x360
“Mu afrua dhe më pyeti”, mediat serbe thonë se ky është personi i fundit që kontaktoi me Faton Hajrizin
IMG_3764
“Në kamerën e dyqanit të tij…” – zbulohen detaje të tjera se si pretendohet se u kap Faton Hajrizi
Faton12
A e dini që e dashura e Faton Hajrizit, është vajza e komandantit të njohur të UÇK-së?
fatonn
Orët e fundit të Faton Hajrizit – sa kilometra i bëri nga vendi ku dyshohet se e vrau policin deri te fabrika ku u strehua
pamjee
Publikohet fotografia e Faton Hajrizit të vrarë
lloznice
Dëshmitarët okular tregojnë se çfarë ka ndodhur mbrëmë në Lloznicë
Hh
Flet e dashura e Faton Hajrizit: Pa e pa trupin e tij nuk besoj që ka vdekur