Emisioni “Kampionët” vazhdon edhe këtë të diel, kësaj radhe duke trajtuar temën rreth Superligës së Kosovës, kombëtares së Kosovës dhe rreth Ligës së Parë.

Të ftuar në studio janë si çdo herë analistët e përhershëm: Liridon Leci dhe Bekim Isufi, gjersa atyre i bashkohen edhe Lulzim Kolgeci, Jeton Gashi, Avni Haxhiu dhe Betim Qerkini.

Presidenti i Ulpianës, Jeton Gashi foli për synimet e klubit të tij përgjatë këtij sezoni.

“Synimi im për aq kohë sa jam pjesë e Ulpianës është që të shkojmë për Superligën e Kosovës, është gjithmonë qëllimi jonë” – tha ai.

Ulpiana në këtë pjesë të sezonit gjendet e para në tabelën e Grupit B me 21 pikë të tubuara përgjatë 8 ndeshjeve.