Dy persona, shoferi dhe konduktori i një autobusi nga Kosova, janë arrestuar në kufirin Serbi-Kroaci, pasi zyrtarët kufitarë kanë gjetur cigare të fshehura pa banderola, shkruan KoSsev.

Policia në këtë autobus ka gjetur gjithsej 1.678 paketa cigare në një pjesë të fshehur, e cila thotë se ka një vlerë prej rreth 6 mijë euro.

Të ndaluarit janë drejtuesi R.H dhe konduktori R.A

Ndaj tyre është caktuar masa e ndalimit deri në 48 orë dhe me kallëzim penal do të dërgohen në prokurorinë kompetente.