Kompania Kosovare për Distribuim me Energji Elektrike, ka njoftuar se trafostacioni në Balloc të Podujevës është gjuajtur me armë, raporton Gazeta10.

Në bazë të njoftimit rasti i parë ka ndodhur më herët më 5 nëntor dhe i njejti është denoncuar në polici.

Më tej, thuhet se pas gjuajtjes së sërishme me armë sot është hapur përsëri rasti në polici.

KEDS ka thënë se për shkak të këtij dëmtimi kanë mbetur pa energji 120 konsumatorë.

Më tej, KEDS dënon fuqishëm këtë rast.

Këtu keni njofimin e plotë:

“Gjuhet me armë zjarri 2 herë brenda javës trafostacioni në Ballofc të Podujevës

KEDS njofton që me datë 05.11.2022 në fshatin Ballofc, komuna e Podujevës, persona të panjohur për KEDS-in dhe Policinë kishin gjuajtur me armë zjarri ku kanë dëmtuar transformatorin “Ballofc 2 Bunjaket”. Ekipet tona kanë denoncuar rastin në polici me datë 06.11.2022. Pas kësaj të nesërmen ne e kemi ndërruar transformatorin dhe e kemi kthyer furnizimin me energji elektrike. Sipas banorëve të kësaj lagjeje atë natë ka ndodhur një tentativë vjedhjeje në një shtëpi afër vendit ku ndodhet transformatori. Sipas banorëve të kësaj lagje policia është duke e ndjekur rastin.

Por, ngjarja nuk ndalet me kaq.

Një rast i ngjashëm ka ndodhur edhe sot në të njëjtin vend dhe të njëjtin trafostacion, ku është djegur paneli i tensionit të ulët. Për këtë rast sërish është njoftuar policia dhe është hapur rasti. Për shkak të këtij dëmtimi të qëllimshëm kemi rreth 120 konsumatorë pa energji elektrike.

KEDS dënon fuqishëm rastet e tilla, nga të cilat pos dëmtimit të aseteve, e pësojnë edhe konsumatorët.

Ftojmë policinë e Kosovës që rastet e tilla t’i trajtojë me prioritet, në mënyrë qē të kapen fajtorët dhe kēto raste të mos përseriten më”, thuhet në njoftimin e KEDS-it në Facebook. / Gazeta10