Deputeti Xhevit Haliti ka përkujtuar 25-vjetorin e UÇK-së, duke thënë se rënia e komandantit legjendar Adem Jashari ishte një kthesë e madhe për historinë e Kosovës.

Ndër të tjera ai shtoi se serbët pa mëshirë, vranë burra gra e fëmijë, gjë të cilën nuk e mendonte askush.

“UÇK ka një biografi të gjatë dhe ka data shumë të rëndësishme që shënojnë të vërtetën lidhur me historinë e kësaj ushtrie. Rënia heroike e komandantit legjendar Adem Jashari ka qenë një kthesë e madhe qoftë për mobilizimin e njerëzve për t’iu bashkuar forcave luftarake të lirisë. Ndodhi ajo që nuk e priste askush, forcat barbare të Serbisë sulmuan dhe vranë fëmijë, pleq, burra e gra”- tha ai.