Hansi Flick do të mbetet trajner i kombëtares së Gjermanisë edhe pas eleminimit nga Kampionati Botëror “Katari 2022”.

Gjermania u eleminua në fazën e grupeve të Botërorin dhe pas këtij zhgënjimi në ngjarjen më të madhe sportive në botë, shumë media raportuan se Flick nuk do të jetë më shef i shtabit teknik të “Die Mannschat”.

Por Federata e Futbollit të Gjermanisë i ka dhënë Flickut mbështetjen e plotë dhe ai do të jetë selektor i Gjermanisë në EURO 2024, që do të mbahet pikërisht në shtetin gjerman.