Kryetari i Aleancës për Ardhmërinë e Kosovës, Ramush Haradinaj ka kujtuar sot vdekjen e Skënderbeut si dhe rënien e Bardhosh dhe Jusuf Gërvallës dhe Kadri Zekës, raporton Gazeta10.

Ai ka thënë se Skënderbue është frymëzi për secilin teksa e ka quajtur themeltar të Shqipërisë.

Më tej, ai ka thënë se Jusuf e Bardhosh Gërvalla si dhe Kadri Zeka janë heronjtë e Kosovës.

Haradinaj ka thënë se ata kënë lënë pas planet e lirisë.

Këtu keni postimin e plotë:

“17 janari i lidhë tre viganët e Kosovës, Jusuf e Bardhosh Gërvallen dhe Kadri Zekën, me Gjergj Kastriotin, në të njëjtën nyje – flijimin për atdhe.

Sot përkujtojmë dy ngjarje në dy periudha të ndryshme, me personazhe që kanë pasur një qëllim, mbrojtjen e Shqipërisë.

Zemra e themeltarit të Shqipërisë, Gjergj Kastrioti Skënderbeu, pushoi së rrahuri më 17 janar 1468. Gjenerali që është frymëzim për secilin shqiptar e trashëgimia e së cilit frymëzoi përpjekjet tona për liri përgjatë shekujve.

Po ashtu, sot kujtojmë heronjtë e Kosovës, Jusuf e Bardhosh Gërvalla dhe Kadri Zeka, që ranë po më 17 janar, 41 vjet më parë. Ideatorë të lëvizjes kombëtare për liri e pavarësi që bashkuan dhe prinë shqiptarët drejt çlirimit, deri në frymën e tyre të fundit.

Ata ranë, por lanë trashëgim te mijëra të tjerë, planet e lirisë. Ata ishin arkitektët e saj”, ka shkruar Haradinaj në llogarinë  e tij në Facebook. / Gazeta10