Kryetari i Aleancës për Ardhmërinë e Kosovës (AAK), Ramush Haradinaj, Nënë Trezën e ka quajtur trashëgimi, vlerë, burim krenarie dhe frymëzim për të ndjekur rrugën e saj. 

Kështu ka thënë Haradinaj në Ditën e Shenjtërimit të Nënës Terezë, transmeton Gazeta10.

“Në Ditën e Shenjtërimit të Nënës Terezë, kujtojmë një figurë të jashtëzakonshme, një shembull unik të humanizmit dhe shërbimit ndaj të tjerëve. Përmes veprave të saj të mëdha humanitare, ajo shfaqi vlerat e kombit shqiptar, për të ndihmuar ata që vuajnë. Trashëgimia e Nënës Terezë është vlerë dhe burim krenarie dhe frymëzimi për të ndjekur rrugën e saj drejt të mirës dhe shërbimit ndaj të tjerëve”, është shprehur Haradinaj. /Gazeta10