Në emisionin “Kampionët” gjatë ditës së diel, të ftuar në studio janë: Faruk Statovci, Avni Haxhiu, Muhamet Dragusha dhe Kastriot Rexha, gjersa në lidhje direkte i ftuar është edhe trajneri i Llapit, Tahir Batatina.

Gjatë diskutimit për licencimin e Federatës së Futbollit të Kosovës, Avni Haxhiu ka thënë se është tentuar që klubet të dëmtohen në mënyrë të jashtëligjshme.

“Në takimin e së premtes me Ministrin e MKRS-së, ne si përfaqësues të klubeve jemi shpreh të revoltuar për shkak të zhagitjes së licencimit.” tha Haxhiu.

Tutje, kryetari i Trepçës theksoi edhe problemet se pse ka ndodhur deri te ngadalësimi i këtij procesi.

“Na është bërë me dije se shkaku se licencimi nuk ka ndodhur ende është se disa klube kanë probleme, disa vërejtje të vogla, probleme teknike.”, përfundoi Haxhiu.