Ish Ministri i Jashtëm i Kosovës, Enver Hoxhaj, ka thënë se Kosova më nuk ka momentum për ta marr njohjen e pesëshes mosnjohëse të BE-së, raporton Gazeta10

Hoxhaj ka thënë se kjo mundësi ka ekzistuar për shkak të rrethanave të reja ndërkombëtare që e dërguan Rusinë në një pozicion të dobët gjeopolitk por që ato më nuk ekzistojnë.

Ish diplomati i Kosovës, Hoxhaj, ka thënë se deklarata e kryeministrit të Spanjës në Tiranë si dhe ministrit të jashtëm grek në Vietnam kundër njohjes së Kosovës e rrënuan një momentum të tillë.

Hoxhaj ka thënë Spanja njejtë si Greqia po përdorin argumente të paqëndrushme rreth vendimit të GJND-së për Kosovën.

Këtu keni statusin e plotë:

“Deri dje, Kosova ka pasur mundësi të artë për të marr njohjen e pesëshes mosnjohëse të BE-së, për shkak të rënies strategjike të Rusisë dhe izolimin e Serbisë. Qëndrimi i djeshëm në Tiranë, i kryeministrit të Spanjës dhe i ministrit të jashtëm grek në Vietnam, kundër njohjes së pavarësisë, e varrosën përfundimisht një momentum dhe shancë historike për një kohë të gjatë. Argumenti i rrejshëm i tyre kur GjND e ka vulosur ligjshmërinë e pavarësisë sonë, është vetëm hipokrizi dhe është vetëm në shërbim të Rusisë dhe assesi të BE-së! Koha para nesh është një kohë e vetmisë dhe papërgjegjësisë së Qeverisë Kurti”, ka shkruar Hoxhaj në llogarinë e tij në Facebook. / Gazeta10