Në Hagë po mbahet gjykimi, ndaj ish-krerëve të UÇK-së, raporton Gazeta10.

Ish-kreu i Ushtrisë Çlirimtare të Kosovës, Rexhep Selimi, ka konfirmuar deklarimin e tij të parë në Gjykatën Speciale në Hagë se është i pafajshëm në të gjitha akuzat që rëndojnë mbi të.

“Jam i pafajshëm në të gjitha pikat e aktakuzës”, u shpreh Selimi në Hagë,

Ish-zëdhënësi i UÇK-së, Jakup Krasniqi sërish ka përsëritur se është i pafajshëm për aktakuzat që ka ngritur Gjykata Speciale ndaj tij, duke shtuar se nuk mban asnjë përgjegjësi për atë që flet aktakuza.

“Që ta kuptoj akuzën dhe mënyrën se si është përpiluar kjo akuzë. Unë nuk kam asnjë lidhje me asnjërën nga pikat që i lexoj prokurorja para kohe. Aktakuzën e kuptoj siç është, por nuk pajtohem me të sepse nuk mbajë asnjë përgjegjësi për atë që flet aktakuza. Plotësisht i pafajshëm.”, ka thënë Krasniqi./Gazeta10