Në emisionin “Mëngjesi me Arben Ahmetin” në Kanal10, është bërë e ditur se ky television me 10 gusht shënon dy vjetorin e themelimit, raporton Gazeta10.

Po ashtu është bërë e ditur se krahas dy vjetorit, televizioni në fjalë do transferohet në objekte të reja.

Tutje, me 10 gusht, pritet edhe lanësimi i dy projekteve të reja, Gazeta 10 si dhe Radio 10.

Për më shumë ka folur edhe zv.drejtori i Kanal10, Fidan Rama, i cili ka thënë se ky është investimi më serioz që ka ndodhur viteve të fundit në sferën mediale të Kosovës.

“Faktikisht, dy vjetori na gjen me një dimension tjetër absolutisht, nuk ka asnje lloj diskutimi. Objekti prapa është një investim e kam quajtur edhe disa herë të tjera, më seriozi që është bërë viteve të fundit në media në Kosovë”.

Tutje, Rama ka thënë se do të ketë edhe risi brenda këtij projekti e ku do të ketë vend për shumë të rinjë e të reja.

“Do të ketë risi të tjera brenda aty që do t’i shohim shumë shpejt. Ndoshta jo sot, por ditëve të ardhshme dhe ku shumë të rinjë e të reja do të jenë bashkë me neve në këtë projekt”. / Gazeta10