Kanë filluar të largohen barrikadat në veriun e Kosovës, raporton Gazeta10.

Barrikadat janë vendosur mbrëmë nga grupe në veriun e Kosovës si përgjigje ndaj paralajmërimit të Kosovës për vendosjen e reciprocitetit në targa dhe letërnjoftima me Serbinë.

Serbët lokal atje kanë vendosur kamionë nëpër rrugë në drejtim të pikave kufitare Jarinje dhe Bërnjak. Po ashtu, Policia e Kosovës sot ka njoftuar se ka pasur të shtënë me armë zjarri në drejtim të njësive policore atje.

Barrikadat po hiqen pasi Kosova nën rekomandime ndërkombëtare vendosi që ta shtyjë vendimin për vendosjen e reciprocitetit për 30 ditë. / Gazeta10.