Ministria e Jashtme kineze ka njoftuar se një takim midis ministrit të Jashtëm të Kinës, Wang Yi dhe homologut të tij japonez në margjinat e ngjarjeve të ASEAN, në Kamboxhia është anuluar, shkruan Reuters, transmeton Gazeta10.

Pala kineze është shumë e pakënaqur me deklaratën e përbashkët të bërë nga Grupi i Shtatë kombeve për Tajvanin, tha Hua Chunying, zëdhënëse në ministri, në një konferencë të rregullt për media.

Ministrat e jashtëm të vendeve të G7, përfshirë Japoninë, i bënë thirrje Kinës të mërkurën që të zgjidhë tensionin rreth ngushticës së Tajvanit në një mënyrë paqësore. / Gazeta10