Ministri i Punëve të Jashtme dhe Diasporës i Kosovës, Glauk Konjufca, ka takuar ministrin e Punëve të Jashtme të Estonisë, Margus Tsahkna, në kuadër të Forumit të Sigurisë në Varshavë.

Në takim, sipas Konjufcës, në fokus ishte perspektiva evropiane e Kosovës, e ndërlidhur ngushtë me sigurinë e Ballkanit Perëndimor.

Konjufca ka theksuar se kërcënimet që burojnë nga Serbia, veprimet hibride dhe ndikimi rus e bëjnë të domosdoshëm angazhimin e vazhdueshëm për ruajtjen e paqes dhe sigurisë.