Zëdhënësi i Kremlinit, Dmitry Peskov, u citua të ketë thënë të enjten se qëllimet e “operacionit special ushtarak” të Moskës në Ukrainë ishin të pandryshuara, por se ato mund të arriheshin përmes negociatave, shkruan Reuters, transmeton Gazeta10.

Komentet për gazetën ruse Izvestia ishin të fundit në një seri deklaratash këtë javë që theksonin hapjen e Moskës ndaj bisedimeve – një ndryshim i tonit që pason një seri humbjesh poshtëruese për forcat ruse ndërsa lufta në Ukrainë po i afrohet fundit të muajit të saj të tetë.

“Kahu nuk ka ndryshuar, operacioni special ushtarak vazhdon, ai vazhdon për të arritur qëllimet tona”, citohet të ketë thënë Peskov. “Megjithatë, ne kemi përsëritur vazhdimisht se mbetemi të hapur për negociata për të arritur objektivat tona”.

Peskov shtoi megjithatë se ai nuk sheh ndonjë perspektivë për bisedime me Perëndimin në të ardhmen e afërt për shkak të qëndrimit të tij “armiqësor” ndaj Rusisë.

“Duhen dy palë që të kenë një dialog. Meqenëse Perëndimi tani po merr një qëndrim shumë, shumë armiqësor ndaj nesh, nuk ka gjasa që të ketë ndonjë perspektivë të tillë në të ardhmen e afërt,” – tha Peskov për kanalin televiziv të Kazakistanit Khabar 24, sipas për agjencinë ruse të lajmeve TASS.

“Megjithatë, Turqia, si dhe një numër vendesh të tjera, vazhdojnë të përpiqen të ndërmjetësojnë në një farë mënyre.”

Ndërsa Rusia ka thënë më parë se është e përgatitur për të negociuar, referencat e përsëritura këtë javë për mundësinë e dialogut janë të habitshme. / Gazeta10