Kriza në Tajvam, Letonia dhe Estonia tërhiqen nga grupi i bashkëpunimit me Kinën

Letonia dhe Estonia u tërhoqën nga një grup bashkëpunimi me Kinnën, duke ndjekur hapat e fqinjit balltik, Lituanisë, e cila u tërhoq vitin e kaluar, shkruan Reuters, transmeton Gazeta10.

Lëvizja vjen mes kritikave perëndimore ndaj Kinës për përshkallëzimin e presionit ushtarak ndaj Tajvanit të udhëhequr në mënyrë demokratike, të cilin Kina e pretendon si territorin e saj, dhe forcimit të lidhjeve të Pekinit me Rusinë gjatë pushtimit të Ukrainës.

Marrëdhëniet midis Lituanisë dhe Kinës u përkeqësuan pasi e para lejoi Tajvanin të hapte një ambasadë de facto në fund të vitit të kaluar.

Ministria e Jashtme e Letonisë tha se pjesëmarrja e vazhdueshme e vendit në grupin e Kinës nuk ishte më në përputhje me objektivat tona strategjike në mjedisin aktual ndërkombëtar.

Në deklaratat e botuara të enjten, Letonia dhe Estonia thanë se do të vazhdojnë të punojnë drejt marrëdhënieve konstruktive dhe pragmatike me Kinën duke respektuar rendin ndërkombëtar të bazuar në rregulla dhe të Drejtat e Njeriut.

Ministria e Jashtme e Estonisë nuk ishte menjëherë e disponueshme për komente të mëtejshme.

Ambasadat kineze në këto vende nuk iu përgjigjën menjëherë pyetjeve për këtë temë. / Gazeta10