Emisioni “Kampionët” vazhdon edhe këtë të diel me fokusin kryesor te Superliga e Kosovës dhe Liga e Parë.

Të ftuar në studio janë Burim Shala, Blendi Memaj, Lavdim Pireva, Viktor Kuka dhe Genc Hyseni.

Viktor Kuka, futbollist i FC Suharekës, jep mendimin e tij për garën për titull të Superligës.

“Unë mendoj se njëra mes Dritës e Llapit do të bëhet kampion në fund të sezonit.”

Ai tha se Ballkanin nuk e sheh për titull, pasi me ndeshjet e fundit ka treguar paraqitje jo të mirë dhe kështu do të largohet nga gara për më të mirin e Superligës.