Kryeministri i Kosovës, Albin Kurti, në një intervistë me BBC News Serbia, ka deklaruar se 1 shtatori do të jetë ditë normale në pikat kufitare mes Kosovës dhe Serbisë dhe se nuk ka përjashtuar mundësinë edhe të një marrëveshjeje tjetër në takimin e ardhshëm me presidentin serb, Aleksandar Vuçiq në Bruksel, raporton Gazeta10.

”1 Shtatori do të jetë një ditë normale në pikat kufitare – ose do të nxjerrim dokumente hyrje-dalje, ose të dyja palët do t’i anulojnë ato…Prishtina do të vazhdojë fushatën për ndërrimin e targave, Beogradi është i shqetësuar sepse mendon se njerëzit do ta pranojnë.”, tha ndër të tjera kryeministri për BBC News Serbia. Sipas tij, BE-ja mund të bëj më shumë, jë jetë më aktiv dhe më e qartë.

Ai ka thënë se kjo mbledhje është planifikuar të mbahej më 19 korrik mirëpo presidenti i Serbisë ka kërkuar që të shtyhet për një muaj. / Gazeta10