Kryeministri i Kosovës, Albin Kurti, ka thënë se ekziston një rrezik i lartë për një konflikt të ri mes Kosovës dhe Serbisë, raporton Gazeta10.

Kurti ka thënë se do të ishte papërgjegjësi nëse do ta thoshte të kundërtë, e sidomos tani pasi bota e ka parë se çfarë ka bërë Rusia në Ukrainë.

Kurti këto komente i ka bërë në një intervistë për gazetën italiane La Republicca.

“Rreziku i një konflikti të ri ndërmet Kosovës dhe Serbisë është i lartë. Do të isha i papërgjegjshëm nëse do të thoja të kundërtën, veçanërisht pasi bota ka parë se çfarë ka bërë Rusia mbi Ukrainën ” – tha Kurti.

Kurti ka thënë se rreziku nuk është shumë i lartë meqë NATO është në Kosovë, por ai është i lartë.

Kujtojmë se Kosova para pak ditëve është përballur me tensione të mëdha në veriun e vendit ku serbët lokal atje kishin bllokuar rrugët në shenjë kundërshtimi ndaj paralajmërimit për vendosjen e masave të reciprocitetit në dokumente të kalimit kufitar si dhe targa. Situata ishte qetësuar pasi institucionet e Kosovës pranuar propozimin amerikan për shtyerje një-mujore të këtij vendimi. / Gazeta10.