Kryeministri kosovar Albin Kurti para Sekretarit të Përgjithshëm të NATO-s, Jens Stoltenberg, ka thënë se Kosova synon anëtarësimin në aleancën e NATO-s, raporton Gazeta10.

“Kemi një vizion të qartë, kërkojmë anëtarësim në NATO, dhe kjo do të na mundësojë që të japim atë që vendet anëtare na kanë dhënë ne. Kërcënimet, rreziqet dhe sfidat që NATO-ja, i përballon sot ndjehen edhe nga vendi jonë. Institucionet kanë arsye të jenë vigjilente ndaj agjendës së dëmshme ruse për Ballkanin dhe Evropën. Qeveria dhe populli i Kosovës e mirëpret besimin dhe përkushtimin tuaj për paqe të qëndrueshme dhe sigurinë”, deklaroi Kurti në konferencë për media, raporton Gazeta10.

Shefi i Qeverisë së Kosovës edhe një herë ka ripërsëritur qëndrimin e vendit karshi anëtarësimit në NATO.

“Ne kërkojmë anëtarësimin në NATO dhe kjo do të na mundësojë që të japim atë që shtetet tjera na kanë dhënë neve si qytetarë”, theksoi Kurti një ditë para takimit me presidentin serb, Vuçiq. /Gazeta10