Katër vite më vonë po implementojmë vendimin për target që vetë Serbia ishte pajtuar në vitin 2018, ka deklaruar kryeministri Albin Kurti pas takimit në Bruksel me Sekretarin e Përgjithshëm të NATO-s, Jens Stoltenberg, raporton Gazeta10.

Shefi i ekzekutivit tha se për zbatimin e reciprocitetit, përkatësisht vendosjes së targave, nuk ka mënyrë tjetër të implementimit.

“Jemi duke implementuar vendimin për target e veturave për të cilin janë pajtuar edhe vetë serbët e Kosovës në vitin 2018 që t’i vendosin tabelat e Republikës së Kosovës. Katër vjet më vonë ne po implementojnë diçka që është në pajtim me Kushtetutën e vendit dhe ligjet tona. Duke qenë në përputhje me zotimet e Serbisë dhe obligimet e tyre në negocitat në Bruksel, nuk ka mënyrë tjetër dhe që është në dobi të të gjithëve të bëjmë çdo gjë legjitime”, tha Kurti.