Kryeministri i Kosovës, Albin Kurti, ka përsëritur qëndrimin e tij se lajmet e rreme kanë shkaktuar destabilizimin e veriut, raporton Gazeta10.

Kurti ka thënë se dje në mbledhjen e kabinetit të tij ka vënë në dukje rrezikun që lajmet e rreme po kanë në raport me vendimet e qeverisë së tij.

I pari i ekzekutivit, Kurti, ka thënë se ka qenë pikërisht dezinformimi që ka shkaktuar bllokimin e rrugëve.

Këtu keni statusin e plotë:

“Në mbledhjen e djeshme të kabinetit kam vënë në dukje rreziqet e lajmeve të rreme, veçanërisht në lidhje me vendimet tona për targat e makinave dhe dokumentet hyrëse-dalëse në pikat kufitare me Serbinë. Ky dezinformim çoi në barrikada dhe shkelje të lëvizjes së lirë në veri të Kosovës”, ka shkruar Kurti në llogarinë e tij në Twitter.

Kujtojmë se Kosova para pak kohe është përballur me tensione e destabilitet në veriun e vendit ku serbët lokal kanë vendosur barrikada në rrugë në shenjë kundërshtimin ndaj paralajmërimit për vendosjen e masave të reciprocitetit në targa dhe dokumente të kalimit kufitar.

Situata ishte qetësuar pasi institucionet  e Kosovës pranuan një propozim amerikan për shtyerjen një-mujore të këtij vendimi. / Gazeta10

Këtu keni videon: