Gazetari dhe moderatori Kushtrim Sadiku ka ftuar publikisht kandidatët për kryeministër  që të marrin pjesë në emisionin “Politiko”, pas paraqitjes së kryeministrit në detyrë Albin Kurti.

Duke folur para transmetimit të emisionit, Sadiku tha se ftesa është e hapur për të gjithë kandidatët dhe se formati i debatit do të jetë i njëjtë për secilin.

“Ftoj publikisht z. Bedri Hamza, kandidatin për kryeministër të PDK-së, ftoj z. Lumir Abdixhiku, kandidatin për kryeministër dhe kryetarin e LDK-së, si dhe Ardian Gjinin, kandidatin për kryeministër nga Aleanca. Ftesa vlen për të gjithë. Formati është i njëjtë, që nënkupton unë në studio bashkë me kolegun Halil Matoshi dhe Fidan Rama”, tha Sadiku.

Sadiku theksoi se standardi i emisionit do të jetë i njëjtë për të gjithë pjesëmarrësit, duke nënvizuar se ftesa mbetet e hapur për secilin kandidat që dëshiron të jetë pjesë e debatit në “Politiko”.