I është dhënë sot lamtumira e fundit kolosit të letërsisë shqipe, Ismail Kadaresë. Pas homazheve të zhvilluara në TKOB, kortezhi me arkëmortin iu drejtua varrezave në Tufinë, kërkesë kjo e familjes së shkrimtarit të ndjerë.

Të shumtë ishin qytetarët që morën pjesë në këtë homazhe, ndërsa përcollën me lule e duartrokitje gjeniun e letrave shqipe.

Ismail Kadare ishte shkrimtari më i mirë i letërsisë shqipe, një ndër shkrimtarët më të mirë të letërsisë botërore bashkëkohore, dhe autori më i përkthyer shqiptar jashtë vendit (në 45 gjuhë).

Ai ishte gjithashtu fitues i disa çmimeve letrare ndërkombëtare si dhe i nominuar disa herë për çmimin Nobel.

Kadare u nda nga jeta mëngjesin e 1 korrikut, në moshën 88 vjeçare.