Leicester City ka refuzuar një ofertë të tretë nga Chelsea për Wesley Fofana, që besohet të jetë midis 60 dhe 70 milionë funte.

Kuptohet se oferta për qendërmbrojtësin 21-vjeçar përfshinë klauzola shtesë, disa prej të cilave konsiderohen nga Leicester si joreale.

Blutë kanë shpenzuar tashmë rreth 170 milionë funte këtë verë dhe së fundmi kanë refuzuar një ofertë prej 45 milionë funte për sulmuesin e Everton, Anthony Gordon.

Fofana u la jashtë skuadrës së Leicester të shtunën në humbjen 2 me1 nga Southampton pasi që menaxheri Brendan Rodgers tha se ai “nuk ishte në gjendjen me te mire psiqike për të luajtur”.

Është e paqartë nëse Fofana do të kthehet në skuadër këtë fundjavë, duke qenë se Leicester do të përballet me Chelsean në Stamford Bridge të shtunën.