Lista Serbe ka bërë të ditur se synon rrëzimin e kryeministrit të Kosovës, Albin Kurtit, raporton Gazeta10.

Përmes një komunikate për shtyp kjo parti ka thënë se nuk bashkëpunon me qeverinë e udhëhequr nga Albin Kurti.

Tutje, thuhet se Kurti punon kundër interesave të popullit serb dhe qytetarëve që duan të jetojnë në paqe në këto zona.

“Lista Serbe nuk bashkëpunon me Qeverinë e Albin Kurtit, sepse ajo punon kundër interesave të popullit serb dhe se qëllimi ynë politik është të rrëzojmë Albin Kurtin nga pushteti, i cili është në interes të të gjithëve që duan të jetojnë në paqe në këto zona”, tha Lista Serbe përmes një komunikate për shtyp.

Kujtojmë se Kosova së fundmi është përballur me tensione të larta në veriun e vendit që kanë ngjallur përplasje të mëdha politike. / Gazeta10