Liverpooli ka barazuar edhe në xhiron e dytë në Premierligën angleze, raporton Gazeta10.

“The Reds” kanë barazuar në shtëpi ndaj Crystal Palace, me shifrat 1-1.

Crystal Palace kaloi në epërsi në minutën e 32-të të takimit, me anë të sulmuesit Wilfred Zaha.

Goli i shënuar nga Zaha ishte i vetmi në pjesën e parë.

Në pjesën e dytë, Liverpooli nga minuta e 57-të mbeti me një futbollist më pak në fushë, pasi Darwin Nunez u ndëshkua me karton të kuq.

Vetëm pak minuta më vonë, Liverpooli arriti që të barazonte rezultatin, golashënues ishte Luis Diaz.

Në dy xhirot e para të elitës së futbollit anglez këtë edicion, “The Reds” kanë dy barazime.

Ndeshjen e ardhshme, Liverpooli e luan ndaj rivalit të përbetuar, Manchester Unitedit. /Gazeta10/