Drejtori i KIPRED, Lulzim Peci, ka thënë se mundësia që Serbia ta sulmojë Kosovën është minore, raporton Gazeta10.

Peci ka thënë se sot lufta me Serbinë është diplomatike dhe jo e karakterit ushtarak.

Tutje, Peci ka thënë se në Kosovë është KFOR-i dhe se Kosova është e rrethuar me vendet fqinje që të gjitha anëtare të NATO-së përpos Serbisë.

Peci ka thënë se gjeopolitika e Ballkanit ka ndryshuar dhe se ajo nuk është e viteve të 90-ta dhe kjo paraqet përparësi për Kosovën.

I pari i KIPRED ka thënë se Kosova duhet të veprojë me racionalitet ndaj komunitetit serb këtu të cilët duhet të ndjehen si në shtëpinë e tyre.

Këtu keni statusin e plotë:

“Sot, lufta me Serbine eshte diplomatike dhe jo e karakterit ushtarak, ndersa mundesia e agresionit ndaj Kosoves eshte minore, ne mos e pamundur, pavaresisht deshirave qe ndonje koke-krisur mund te kete ne Beograd apo Rusia.

Kosova, perpos prezences se KFOR-it eshte e rrethuar me fqinje, qe perpos Serbise, te gjithe jane anetare te NATO-s.

Gjeopolitika e tanishme e Ballkanit, nuk eshte ajo e viteve te 1990ta, dhe ky eshte nje avantazh madhor per vendin tone, i cili duhet te materializohet me politike te mencur, se pari ndaj qytetareve te komunitetit serb te Kosoves, te cilet duhet te ndjehen si ne shtepine e tyre, ashtu edhe ndaj Serbise, e cila eshte duke tentuar ta demtoj kete shtepi”, ka shkruar Peci në llogarinë e tij në Facebook. / Gazeta10