Manchester United janë optimistë se do të arrijnë marrëveshje për transferimin e sulmuesit holandez, Wout Weghorst në merkaton e janarit.

Weghorst është futbollist i Burnleyt, por është në huazim te gjiganti turk, Besiktas.

Burnley është dakord që Weghorst të kalojë në ‘Old Trafford’, por Unitedit tanimë i duhet që të negociojë me skuadrën turke për të ndërprerë huazimin e  holandezit.

Besiktasi e ka opsionin që në verë të blejë kartonin e 30-vjeçarit, i cili po ashtu raportohet se e dëshiron kalimin te ‘Djajtë e Kuq’.

Unitedi kërkon me patjetër transferimin e një sulmuesi qendror në afatin kalimtar të janarit, për të zëvendësuar Ronaldon që u largua gjatë muajit të kaluar.