Në emisionin “Politiko” me Kushtrim Sadiku, gazetari Halil Matoshi ka deklaruar se Jakup Krasniqi është një idealist dhe qasja e tij më emotive është e arsyeshme.

Sipas tij ajo që shkruhet në libra nuk duhet të vlejë si fakt për me ndërtu aktakuzë.

“Unë mendoj që është një lehtësim sepse mbrojtja ka filluar mirë dhe mbarë sepse janë tri fakte që kanë me rrezu pretendimet e prokurorisë. E para është që në aktgjykimin lirues në rastin Haradinaj dhe Limaj, Shtabi i Përgjithshëm është cilësu si një strukturë politike dhe jo efektive ushtarake. E dyta letra e 4 majit 1999 e Departamentit Amerikan të Shtetit se UÇK-ja nuk ka pasur  një komandë unike. E treta është fakti që Kosovës me këtë proces gjyqësor Kosovës iu hoq një re e zezë siç pretendonte raporti i Martyt”, tha Matoshi. /Gazeta10/