Kryetari i Lëvizjes për Bashkim, Valon Murati, ka thënë se në mbledhjen e përbashkët nesër mes dy kuvendeve të Kosovës dhe atij të Shqipërisë, do të duhej të krijohej një Asamble Parlamentare e përbashkët, raporton Gazeta10.

Murati ka thënë se ky do të ishte një hap para drejt krijimit të mekanizmave të përbashkët integrues.

Më tej, Murati ka thënë se vetëm mekanzima të tillë do të mund të bëjnë realitet integrimin.

Këtu keni postimin e plotë:

“Seanca e parë e përbashkët e dy kuvendeve tona për Ditën e Flamurit do të duhej të konkretizohej me krijimin e një Asambleje Parlamentare të përbashkët si një hap drejt krijimit të mekanizmave të përbashkët integrues. Vetëm krijimi i këtyre mekanizmave të përbashkët integrimin e bën realitet, në shërbim të qytetarëve dhe bashkimin e ardhshëm më të lehtë e më të natyrshëm”, ka shkruar Murati në llogarinë e tij në Facebook. / Gazeta10