Kryetari i ri i Zveçanit, Ilir Peci, ka arritur në shkollën fillore “Isa Boletini” në fshatin Boletin, ku do të betohet.

Betimi i Pecit është ishte paraparë të mbahet nga ora 10:00. Në ambientin rreth shkollës janë parë forca të Policisë së Kosovës dhe të EULEX-it.

Ilir Peci i PDK-së i fitoi zgjedhjet e jashtëzakonshme të mbajtura për kryetarë në katër komunat veriore më 23 prill.

Po ashtu sot nga ora 10:00 është paraparë të betohet kryetari i ri i Zubin-Potokut, Izmir Zeqiri, ndërsa nga ora 13:00 kryetari i Leposaviqit, Lulzim Hetemi.