Emisioni “Kampionët” vazhdon edhe këtë të diel me fokusin kryesor te Superliga e Kosovës dhe Liga e Parë.

Të ftuar në studio janë Burim Shala, Blendi Memaj, Lavdim Pireva, Viktor Kuka dhe Genc Hyseni.

Blendi Memaj beson se një skuadër për momentin është favoriti kryesor për titullin kampion këtë edicion të Superligës së Kosovës.

“Për momentin, sipas meje, Llapi është favoriti kryesor për titullin kampion, këtë e ka treguar në ndeshjet e fundit, si dhe në ndeshjet e ndërsjellta me konkurrentët për titull” – tha ai.

Tutje, ai tha se arsyeja kryesore për këtë ‘formë’ të Llapit është edhe paraqitja e zbehtë e Ballkanit në takimet e fundit.