Emisioni “Kampionët” vazhdon edhe këtë të diel, kësaj radhe duke trajtuar temën rreth shortit të gjyqtarëve si dhe do flasim si gjithnjë për Superligën e Kosovës.

 Të ftuar në studio janë si çdo herë analistët e përhershëm: Liridon Leci dhe Bekim Isufi, gjersa atyre i bashkohen edhe Gramoz Vokrri, Tahir Lushtaku dhe Blendi Memaj.

Gjatë diskutimit për xhiron e parë të Superligës së Kosovës, foli edhe Blendi Memaj.

“Superliga e Kosovës ka fituar me inkuadrimin e Lirisë në Superligën, elita e futbollit është pasuru.”, tha ai.

Më tutje, ai foli edhe për atmosferën në  “Përparim Thaçi”.

“Atmosfera në stadium ishte e jashtëzakonshme, qyteti i Prizrenit ka traditë të lashtë në futbollin kosovar.”, vazhdoi ai.

Në diskutim e tutje, ai foli edhe për rrjedhën e lojës të skuadrës nga Prizreni.

“Ballkani nuk arriti të dominojë Lirinë. Liria u tregua kompakte në fazën defanzive, nuk i la lojtarët të shpërthejnë.”, bëri me dije Memaj.

Blendi Memaj tregoi edhe për karrierën e tij dhe se çfarë do të bëj në të ardhmen.

“Jam në pauzë të pacaktuar përshkak të disa lëndimeve, mirëpo do të rikthehem shumë shpejt në fushat e blerta”, përfundoi ai.