Lionel Messi po kalon muajt e tij të fundit si lojtar i Inter Miamit.

Ylli argjentinas do të largohet në fund të këtij viti nga Miami, atëherë kur edhe i përfundon kontrata.

Messi karrierën e tij pritet ta përfundojë në vendlindje, te skuadra e Newell Old Boys.

37-vjeçari ka qenë pjesë e skuadrës nga Rosario si fëmijë, përpara se në moshën 13-vjeçare t’i bashkohej Barcelonës.

Në 15 paraqitje në MLS këtë edicion, Messi ka shënuar 14 gola dhe ka kontribuar me 10 asistime.

Tetë herë fituesi i Topit të Artë erdhi te Inter Miami si transfer i lirë, pas një periudhe dyvjeçare të kaluar te Paris Saint-Germaini.

Messi ka fituar gjithçka që mund të fitohet në futboll dhe duket se ka vendosur që karrierën ta përfundoj aty ku filloi gjithçka për të në futboll.