Ministri i Jashtëm i Tajvanit, Joseph Wu ka thënë se kërcënimi i Kinës ndaj Tajvanit është “më serioz se kurrë”, por se ishulli do të qëndrojë i palëkundur për të mbrojtur lirinë dhe demokracinë e tij.

“Kina ka qenë gjithmonë duke kërcënuar Tajvanin për vite me radhë dhe po bëhet më serioze vitet e fundit,” tha Wu në një intervistë të hënën për CNN.

Ministri gjithashtu foli edhe për vizitë e Kryetares së Dhomës së Përfaqësuesve të SHBA-së, Nancy Pelosi që ishte vizita e parë pas 25 viteve nga Dhoma e Përfaqësuesve në Taijvan, ku u kundërshtua ashpër nga Partia Komuniste në Kinë.

“(Kina) nuk mund t’i diktojë Tajvanin që të mos mirëpresim ata që duan të vizitojnë dhe të tregojnë mbështetje për Tajvanin”, tha ministri për CNN.

Mesazhi i Wu erdhi pasi Kina tha se do të vazhdonte stërvitjet ushtarake rreth ishullit vetëqeverisës, pas udhëtimit të kryetares së Dhomës së Përfaqësuesve të SHBA javën e kaluar, shkruan CNN, transmeton Gazeta 10.